Kerwerede
 
Grabred 2006 Kerweparre pfeilAndreas Anstett
Liebe Trauergemeinde, alde Suffkepp,
un annere spitze Knepp.

Wir haben uns hier versammelt um unserem alten Luder, unserem beschde Stick, unserer geliebten Kerb es letschde Bier se gewwe.

Vor 8 Woche hamma das Deng werra ausgebuddelt,
un seitdem hamma uns nur versuddelt.

Mer hanse wirrer hergericht, sie war ganz scheen groogie,
jetzt stehn ma do, un siehn schlimmer aus als de Schnoogie.

Sie hat do gestann enn hellem Glanze,
unn wollt gar nemmi uffherere se Danze.

Mer hann gemennt sie dät de Dienschdach iwwerstehn,
denn heit Medaach konnt se noch einigermaße grad gehen.

Doch uff emol war se verschwonn, unn mer hannse erschd werra beim Suhr gefonn,
es Bier iss rer aus alle Knopplecher geronn.

Beim Sammele hot se Schnaps geleckt,
jetzt hat se die Lewwer gestreckt.

Die alt Kerwekrankheit, de Stracksuff, hat se dahingerafft,
unn jetzt wird se werre fa e Johr unner die Erd geschafft!

Was mer ned alles gemacht um ehr Lewe se verlängere, mer hann an em Luder geschafft wie gesteert,
mer hannerer sogar a Straußbuweporno vorgefehrt.

Doch das Konnt das versoffene Luder ned jucke,
es wollt nur noch Kerscheschnaps schlucke.

Mer hann dem Dier geb so viel wie es wollt,
doch plötzlich iss se leblos uff die Seit gerollt.

Jetzt stehn mer do unn sinn ganz geknickt,
vor ner halb Stunn hat unser beschdes Stick de ledschde Schnaps geschlickt.

Doch sinn ned so traurich unn guggen ned so belämmert,
unser Kerweekel hat se geschwängert.

Em Johr hat se werra e neiji Kerb geworf, dann ziehe mer werra johelend unn kreischend dorchs Dorf.

Jetzt folge die Berichte,
von de Alekeijer Besoffenegeschichte!:
Unser größter Sportler aus de Germannstroß,
is schon faschd ingeschloof.

Der wohnt vorne links in de Stroß,
wo ma immer um de Ecke bloßt.

Der war beim Philipp mit de mit de ganze Leid,
unn hat dort gehe die frisch verputzt Hauswand gespeit.

Am Montag morje no em erschde Bier,
iss es Weißche komm beim Suhr vor die Deer.

Der hot uns die Story vom Peerd verzeehlt,
unn dodebei unser Nerve gequält.

Es Weißche hot von seiner Fraa die Nase voll,
do hott er sich per Kontaktanzeig die näschd geholl.
Nur ennie Flasch Öttinger Pils hotter gesoff,
unn dodenoo noch sogar die Rinn getroff.

De Gehsteig gekehrt hotter vorm Kala unm Suhr,
dodevor hatter von uns e Fläsche kriet naderlich pur.

Beide Straußbuwe is enner debei,
ma munkelt der wer e ganz beeses Weichei.

Vor 12 Uhr isser immer schun dehem,
denn sei Freundin schält em dann immer sei 3.Been.

Beim inneinanderschiebe von Gottgegebene Sache ,
heersche im Hinnergrund immer nur de Spongebob lache.

Am Freita owend iss noch enner ausm Suhr rauskomm,
der war a nur e bissche benomm.

Der Hewwel war vollstrack besoff,
un der is a nimmie grad geloff.

Driwwe am Spar hottere Stinkwut,
die er press an de Scheib auslosse dud.

Ingetreet hatter die arm Scheib,
unn hoffentlich hatter sich dodebei verschnitt de ganze Leib.

E Frohnhofer Lurche war der Doofe,
hoffentlich dud er die nägschd Nächte ganz schlecht schloof.

So ihr versoffene Pudel, jetzt bete mer im Rudel:
Lieber Alkohol mein ,
loss morje de Kader ned so Schrecklich sein.

Lieber Wert du aldes Stick,
mach unser Rechnung ned so dick.

Liewer Doktor Attila,
geb uns e Erholungsschein fa 14 Daa.

Hört zum Schluß noch ein Paar Worte des Trostes von unserem Kerwepropheten:
Paulus schrieb an die Galatter,
wer enner stehn hat, hat a Hatter.

Paulus schrieb an die Korinther,
wer veel maust griet a veele Kinder.

Paulus schrieb an die Philipper,
wer ens Puff geht griet a Tripper.

Paulus schrieb enn die Gass,
wer enn die Hose bronzt der hatse nass.

Paulus schrieb uff de Pitz,
iwwer die Kerb senn die Straußbuwe spitz.

Paulus schrieb in seiner Kur,
die beschd Kerb is beim Suhr!

Ehr Straußbuwe gehen jetzt hääm un senn ned geknickt, es näschd Johr wird werrer ins Säuferlacher enngerickt.
Im Namen des Suffes , em Suhr unn der Kerb, jetzt wird zum ledschde mol geplärrt.

Straußßßbuweeeeeeeee… wem war die Kerb!!

User online: 3 Heute: 222 Gestern: 822 Gesamt: 1695
|| Design & Coding © copyright by Manuel Holländer ||

Seite erstellt in 0.001729 Sekunden

Valid XHTML 1.0 Transitional

Partnerseiten: Partypix-Kohlbachtal | Bonze-Online